Obradoiros de lecto-escritura, lúdico-didácticos e de animación audiovisual serán o medio a través do que visitar a cidade que é a capital mundial das finanzas (Wall Street), a sede da Organización de Nacións Unidas (ONU) e un dos máis importantes viveiros internacionais da cultura. Os nenos e nenas de Cuntis farano desde Galicia e en galego na Biblioteca Pública Municipal Roberto Blanco Torres.Nesta viaxe pais e nais, mestres e bibliotecarios de Cuntis tamén teñen tarxeta de embarque e banda sonora para todo o traxecto:
“Comecen a espallar a nova, hoxe marcho. Quero ser parte dela, Nova York, Nova York. Estes zapatos de vagabundo estranan camiñar. Xusto polo corazón de ela”. Nova York, Nova York (New York, New York), de Frank Sinatra. 

Imos logo! 

A cidade de Nova York está situada na costa Leste de Os Estados Unidos de América, bañada polo Océano Atlántico, desde onde chegaban en barco os inmigrantes europeos, cuxa primeira visión trala travesía ( desde 1886)  era a Estatua da Liberdade. Tamén a será para os pequenos e pequenas de Cuntis na viaxe que emprenderán no obradoiro:

A GRANDE VIAXE: SUCANDO MARES, ACHEGANDO HISTORIAS
(A partir de 8 -10 anos)
Xoves 12. 19.00 horas.

A Estatua da Liberdade foi un agasallo dos franceses en 1886 para conmemorar o centenario da Declaración de Independencia de Os Estados Unidos de América e como un sinal de amizade entre as dúas nacións. Con esta viaxe, sumarémonos aos millóns de persoas que a visitan cada ano. Nin desembarcando todos os galegos (2,7 millóns, dos cales 5.175 son de Cuntis) se igualaría á media anual; 4,2 millóns!! Co seu carné de navegante os nenos de Cuntis adentráronse no seu interior.

Para repoñéresen dos máis 10.000 quilómetros de viaxe, e ante a ausencia das relaxantes augas termais de Cuntis, os meniños poderán sestear un anaquiño e recuperar folgos no pulmón verde da cidade: Central Park: 4 quilómetros de longo e 800 metros de ancho. É un inxente rectángulo (345 hectáreas) de vexetación entre os grandes rañaceos.

Central Park  está en Manhattan, unha parte (distrito) da cidade que habitualmente se confunde co todo. Unha sinécdoque na que non incorrerán os rapaces e rapazas de Cuntis que de seguro teñen lido e gozado con Carmen Martín Gaite:

“Moita xente cre que Manhattan é Nova York, cando simplemente
forma parte dela. Unha parte especial, eso si. Trátase dunha illa
en forma de xamón cunha torta de espinacas no centro que se chama
Central Park. (Caperuchiña en Manhattan. Páxina 13)

Para chegaren ata alí poderán facer uso dos famosos taxis amarelos. Non terán problema en coller un deles, xa que polas rúas de Nova York atopas 3 por cada coche.

De igual xeito  para relaxárense tamén están as impresionantes vistas que ofrece o rañaceo máis alto de Nova York, tralo tráxico  derrubamento das Torres Xemelgas, no atentado do 11-S: Empire State.

Mais se algún ten vertixe, poderá ter outras indescritibles vistas desde abaixo. Só hai que hai atoparen un banco, como os protagonistas da película de Woody Allen en Manhattan (Mary Wilke-Diane Keaton e Isaac Davis- Woody Allen)  e calar e ver e, sobre todo, mirar…

A Ponte de Broklyn é de estilo gótico, polos arcos de medio punto nas torres. Durante moitos anos estas foron as torres máis altas de todo o hemisferio occidental. A súa construción comenzou en 1870 e concluíu trece años máis tarde. O primeiro día cruzaron 1.800 vehículos, hoxe en día son uns 45.000 diarios.

Reposto corpo e alma, os cativos de Cuntis están xa listos para a actividade:  patinar na cinematográfica pista de xeo do Rockeffeler Center ou ver calquera dos afamados musicais que están agora na carteleira dos 39 teatros de Broadway coma Mamma Mía, Chigaco ou a Pantasma da Ópera.

Broadway é a rúa máis famosa de Manhattan, xunto a Quinta Avenida, coñecida tamén pola súas incontables -como a mesma cidade- aparición en películas, xa que nela concéntranse as tendas das máis prestixiosas firmas de moda. Con dólares no peto, os pequenos e pequenas cumpriron cun dos seus obxectivos nesta viaxe.

Tan presente  como a Quinta Avenida é o Bronx pero por motivos totalmente diferentes. Ten fama de ser un distrito perigoso e conflitivo, pero nada máis alonxado da realidade; conta con parques e xardíns espléndidos, como o Pelham Bay, o Van Cortland, o Wildlife Conservation Park e o Xardín Botánico de Nova York. Ademais, tamén está o Zoolóxico, o máis grande de Os Estados Unidos de América, con máis de 6.000 animais.

Hai máis barrios (Chinatown, Little Italy, Trevinca..) e distritos (Queen e State Island) imprescindibles como tamén o son as visitas ao MOMA  (Museum of Modern Art) ou o Metropolitam Museum of Art, mais desta quenda será máis que abondo para os pequenos viaxeiros de Cuntis, quizais en fin de ano se atrevan a volver e recibir ao 2010 coas badaladas do Time Square. Oxallá.

En todo caso, antes de decidir cando volver, hai que partir. E antes de partir e imperdoable non lembrarse dos que quedan agardando por nós. Os rapaces de Cuntis tivéronos presentes e prepararon coas súas mans e na súa lingua postais para os que queren e os queren.

No entanto, antes de emprenderen esta andaina polo mundo hai que estar ben preparado. Por iso O MUNDO EN GALEGO conta con obradorios para que os patróns do barco-as nais e os pais- equipen a cabeciña, espírito e imaxinación dos pequenos e pequenas navegantes de Cuntis:

ANIMAR A LER DESDE A CASA
Para pais e nais
Duración: 60 minutos.
Mércores 11. 19.00 horas.

Nesta viaxe, os pais e as nais  xogan un papel importante. Aquí tiveron pautas de lectura creativa que fixeron que o percorrido polo mundo, e en galego, siga na casa. Nel insistíuselle na importancia vital de que lles conten aos seus fillos contos en galego, que os acheguen na nosa lingua a outras culturas. Asemade, facilitóuselles recursos de narración oral e ofrecéuselles criterios para que aprendan a seleccionar os libros en función da idade.

TREMELICANTEMENTE TREMELICANTE
Para nenos e nenas de 9 -12 anos.
Duración: 60 minutos.
Mércores 11. 18.00 horas.
Máximo: 25 participantes por sesión.

Para familias
Duración: 60 minutos.
Idade dos cativos: de 4 a 7 anos.
Xoves 12. 18.00 horas.

CONTA COMIGO